- Hits: 526
Ҳамасола дар асоси Фармони Президенти Ҷумҳурии Тоҷикистон, аз 28 марти соли 2007 ва бахшида ба Рӯзи ҷавонони Тоҷикистон, якшанбеи сеюми моҳи май дар саросари кишвар мусобиқаи Дави миллӣ ва марафони велосипедронӣ баргузор карда мешавад.
Имсол баргузории Дави миллӣ ва марафони велосипедронӣ ба санаи 19-уми май рост омад. Дар ин асос аз 2-юми майи соли ҷорӣ Амри раиси ноҳияи Рӯдакӣ "Дар бораи баргузории Дави миллӣ ва марафони велосипедронӣ бахшида ба таҷлили Рӯзи ҷавонони Тоҷикистон" ба тасвиб расид.
Субҳи имрӯз, 19-уми май дар маркази ноҳияи Рӯдакӣ - шаҳраки Сомониён бо иштироки кормандони ташкилоту муассисаҳо ва доираи васеи сокинон мусобиқаи Дави миллӣ ва марафони велосипедронӣ гузаронида шуд. Дар чорабинии мазкур раиси ноҳия - Абдуғаффор Ҳикматуллозода раиси дастгоҳ ва муовинони раиси ноҳия, мудирони шуъбаю бахшҳо, инчунин раисони ҷамоатҳои шаҳраку деҳот, роҳбарони корхонаҳо, ташкилоту муассисаҳо ва хоҷагиҳои деҳқонӣ ширкат варзиданд
Пеш аз оғози мусобиқа раиси ноҳия - Абдуғаффор Ҳикматуллозода баромад намуда, иштирокчиёни Дави миллӣ ва марафони велосипедрониро ба муносибати Рӯзи ҷавонон табрик кард. Гуфта шуд, ки баргузории чунин чорабиниҳо ҷиҳати боз ҳам оммавӣ намудани варзиш ва таҳкими тарзи ҳаёти солим дар миёни сокинон мусоидат менамояд.
Мусобиқаи дав ва марафони велосипедронӣ аз даромадгоҳи шаҳраки Сомониён то майдони муҷассамаи Абуабдуллоҳ Рӯдакӣ давом кард. Пас аз натиҷагирии мусобиқа аз ҷониби ҳакамон ғолибон дар миёни мардон ва занон муайян гардиданд.
Дар маросими ҷамъбасти мусобиқа раиси ноҳияи Рӯдакӣ - Абдуғаффор Ҳикматуллозода суханронӣ намуда, ғолибонро аз номи Мақомоти иҷроияи ҳокимияти давлатии ноҳия табрик кард. Сипас, нафарони пирӯз бо Диплом, Ҷом, медал ва туҳфаҳои арзишманд қадрдонӣ карда шуданд.
- Hits: 531
Дар асоси нақшаи чорабиниҳои Бахши кор бо ҷавонон ва варзиши ноҳияи Рӯдакӣ санаи 18-уми апрели соли ҷорӣ дар Қасри фарҳанг ҳамоиши ҷавонони фаъоли ноҳия баргузор гардид.
Дар ҳамоиш раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Зулфиқор Гулаҳмадзода ва раиси ноҳияи Рӯдакӣ Абдуғаффор Ҳикматуллозода иштирок ва суханронӣ карданд.
Дар оғози ҳамоиш раиси ноҳияи Рӯдакӣ Абдуғаффор Ҳикматуллозода баромад намуда, меҳмононро хайрамақдам гуфт ва аз дастгириҳои рӯзафзуни давлат ва Ҳукумати кишвар нисбат ба ҷавонон ёдоварӣ кард. Зикр шуд, ки маҳз бовариву эътимод ва сиёсати ҷавонпарваронаи Пешвои миллат аст, ки дар самти дастгирӣ ва ҳавасмандгардонии ҷавонону наврасони фаъоли кишвар пайваста иқдомҳои нав роҳандозӣ карда мешавад.
Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Паёми навбатии хеш ба Маҷлиси Олии мамлакат «Дар бораи самтҳои асосии сиёсати дохилӣ ва хориҷии ҷумҳурӣ» иброз намуданд, ки: “Ғамхорӣ нисбат ба ҷавонон, ҳалли мушкилоти онҳо ва истифодаи дурусти ин захираи стратегии миллӣ барои пешрафту ободии Ватан ва таъмини амнияту суботи ҷомеа яке аз афзалиятҳои асосии Ҳукумати мамлакат ба шумор меравад, зеро шумораи бештари аҳолии Тоҷикистонро ҷавонон ташкил медиҳанд”. Дар радифи ин таъкиди Сарвари давлат соли ҷорӣ аз ҷониби Мақомоти иҷроияи ҳокимияти давлатии ноҳияи Рӯдакӣ ҷиҳати боз ҳам бештар намудани дастгирии ҷавонони фаъол як қатор ташаббусҳо амалӣ карда шуданд. Аз ҷумла, теъдоди гирандагони Стипендияи президентӣ ва Стипендияи раиси ноҳия зиёд карда шуданд. Чунин ташаббусу иқдомҳо минбаъд низ идома хоҳанд ёфт.
Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Зулфиқор Гулаҳмадзода дар суханронии хеш ҷавонони ноҳияи Рӯдакиро ба омӯзиши илму ҳунар, донишу маърифат, аз худ намудани забонҳои хориҷӣ ва пайравӣ аз сиёсати хирадмандона ва созандаи Пешвои муаззами миллат муҳтарам Эмомалӣ Раҳмон даъват кард. Қайд шуд, ки ҷавонон насли ояндасози давлату миллат мебошанд ва ин қишри таъсиргузори ҷомеа дар раванди ташаккули давлату миллат нақши муҳим мегузоранд.
Сипас, дар маросими тантанавии ҷоизасупорӣ ба беҳтарин ҷавонони соҳаҳои гуногуни ноҳия ва туҳфаҳои арзишманди раиси ноҳия супорида шуд. Сипоснома ва туҳфаҳоро ба беҳтаринҳо Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Зулфиқор Гулаҳмадзода, раиси ноҳияи Рӯдакӣ Абдуғаффор Ҳикматуллозода ва сардори ШВКД-1 дар ноҳияи Рӯдакӣ генерал-майори милитсия Қудратулло Назарзода тақдим намуданд.
- Hits: 542
БАРНОМАИ ФАРҲАНГИИ "ШОМИ ДӮСТӢ"
Дар доираи чорабиниҳои Фестивали дӯстии ҷавонони ҷумҳурӣ таҳти унвони "Дӯст ояд, гарм дар оғӯш гир", ки имрӯзҳо дар ноҳияи Рӯдакӣ давом дорад, шоми 3-юми апрел дар майдони назди муҷассамаи устод Абуабдуллоҳи Рӯдакӣ барномаи рангини фарҳангӣ зери номи "Шоми дӯстӣ" доир гардид.
Дар чорабинии фарҳангӣ раиси ноҳияи Рӯдакӣ Абдуғаффор Ҳикматуллозода, муовини раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Сураҷ Чоршанбезода иштирок ва суханронӣ намуданд.
Инчунин, дар чорабинии фарҳангӣ роҳбарият ва кормандони шуъбаву бахшҳои мақомоти иҷроияи ҳокимияти давлатии ноҳия, роҳбарони сохторҳои қудратӣ, намояндагони ташкилоту идораҳо ва сокинону фаъолони ноҳия ширкат варзиданд.
Дар рафти барномаи фарҳангӣ барои болидаруҳии иштирокчиёни Фестивал аз ҷониби ҳунармандони бахши фарҳанги ноҳия ва санъаткорони мумтозу номдор суруду таронаҳои ватандӯстона ва тараннумкунандаи сулҳу ваҳдату дӯстӣ дар сатҳи баланд иҷро гардид.
Дар хотимаи барномаи фарҳангӣ раиси ноҳия Абдуғаффор Ҳикматуллозода иштирокчиёни Фестивали дӯстии ҷавонони ҷумҳуриро бо туҳфаҳои хотиравӣ қадрдонӣ намуд.
Page 2 of 9
1USD
1EUR
1RUB