Hits: 29
ФУТБОЛ - РАМЗИ ДӮСТӢ ВА ПИРӮЗӢ
Паёми табрикии раиси ноҳияи Рӯдакӣ Нусратулло Салимзода ба муносибати Рӯзи ҷаҳонии футбол
 
Ҳамдиёрони азиз!
Ҳаводорони футбол!
Бо камоли эҳтиром, ҳамаи шуморо ба муносибати Рӯзи ҷаҳонии футбол самимона табрик гуфта, бароятон саломатӣ, руҳияи қавӣ ва дар роҳи рушду густариши ин варзиши маҳбубу оммавӣ комёбиҳои нав орзу менамоям.
Ҷумҳурии Тоҷикистон таҳти роҳнамоиву сиёсати дурбинонаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон имрӯз дар арсаи байналмилалӣ ҳамчун кишвари ташаббускору созанда эътироф гардидааст. Ташаббусҳои байналмилалии Тоҷикистон аз ҷониби ҷомеаи ҷаҳонӣ пайваста ҷонибдорӣ ёфта, мавриди татбиқ қарор гирифта истодаанд.
Боиси ифтихор аст, ки соли 2024 бо ташаббуси Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе, Президенти Федератсияи футболи Тоҷикистон муҳтарам Рустами Эмомалӣ ва пешниҳоди Ҷумҳурии Тоҷикистон тибқи қатъномаи Созмони Милали Муттаҳид 25 май ҳамчун Рӯзи ҷаҳонии футбол эълон гардид. Ин иқдоми муҳим бори дигар мақому ҷойгоҳи футболи тоҷик ва саҳми Тоҷикистонро дар рушди варзиш дар сатҳи байналмилалӣ собит намуд.
Ҳамдиёрони гиромӣ!
Футбол имрӯз василаи муҳимми таҳкими дӯстӣ, ҳамдигарфаҳмӣ, тарғиби тарзи ҳаёти солим ва муттаҳидсозандаи мардумони гуногуни ҷаҳон ба шумор меравад. Ин бозии маҳбуб дар қалби миллионҳо инсон ҷой гирифтааст.
Тавре ки Пешвои миллат муҳтарам Эмомалӣ Раҳмон таъкид намудаанд: «Бо дарназардошти маҳбубият ва оммавияти худ, футбол имрӯз на танҳо як намуди варзиш, балки омили муҳимми таҳкими дӯстӣ, ҳамдигарфаҳмӣ ва ҳамбастагии халқҳо гардидааст».
Қайд кардан зарур аст, ки Мақомоти иҷроияи ҳокимияти давлатии ноҳияи Рӯдакӣ дар самти татбиқи сиёсати давлатии ҷавонон ва рушди соҳаи варзиш, аз ҷумла иҷрои “Барномаи рушди футбол дар Ҷумҳурии Тоҷикистон барои солҳои 2022-2026” тадбирҳои мушаххасро роҳандозӣ намуда истодааст.
Боиси сарфарозист, ки дастаи “Рангон” дар мусобиқаҳои Федератсияи футболи Тоҷикистон иштироки фаъол намуда, сазовори ҷойҳои намоён гардидааст. Ин дастовардҳо натиҷаи таваҷҷуҳ ба рушди варзиш, заҳмати мураббиён, бозигарон ва дастгирии ҳаводорон мебошад.
Ҳамдиёрони гиромӣ!
Мақомоти иҷроияи ҳокимияти давлатии ноҳияи Рӯдакӣ минбаъд низ барои рушди футбол, зиёд намудани шумораи майдончаҳои варзишӣ, ҷалби наврасону ҷавонон ба тарзи ҳаёти солим ва оммавигардонии варзиш тамоми имкониятҳоро истифода хоҳад бурд.
Бори дигар ҳамаи шумо - варзишгарон, ҷавонон ва дӯстдорони футболро ба муносибати Рӯзи ҷаҳонии футбол самимона муборакбод гуфта, бароятон тандурустӣ, хушбахтӣ ва пирӯзиҳои нав орзу менамоям.
Рӯзи ҷаҳонии футбол муборак бод!

Hits: 67

ДАВИ МИЛЛӢ ВА МАРАФОНИ ВЕЛОСИПЕДРОНӢ

     Субҳи 17-и май дар маркази ноҳияи Рӯдакӣ бо иштироки доираи васеи сокинон мусобиқаи Дави миллӣ ва веломарафон гузаронида шуд. Дар чорабинии мазкур муовини якуми раиси ноҳия Шарифзода Аҳлиддин, муовинони раиси ноҳия, раиси дастгоҳи ноҳияи Рӯдакӣ, инчунин раисони ҷамоатҳои шаҳраку деҳот, роҳбарони корхонаҳо, ташкилоту муассисаҳо ширкат варзиданд. Ҳамасола моҳи май дар тамоми гӯшаву канори ҷумҳурӣ бо иштироки васеи сокинони мамлакат, намояндагони кормандони касбу кори гуногун, вазорату кумитаҳо, корхонаю муассиса ва ташкилоту идораҳо Дави миллӣ ва марафони велосипедронӣ ба муносибати Рӯзи ҷавонон баргузор мегардад.

     Дави миллӣ ва марафони велосипедронӣ дар асоси Фармони Президенти Ҷумҳурии Тоҷикистон аз 28 марти соли 2007 «Дар бораи Рӯзи дави миллӣ» ҳамасола дар ҷумҳурӣ якшанбеи сеюми моҳи май гузаронида мешавад. Дави миллӣ маъракаи умумимиллӣ буда, мақсад аз баргузории мусобиқа таҳкими тарзи ҳаёти солим, рушду инкишофи соҳаи варзиш ва оммавияти он дар байни аҳолӣ мебошад. Таваҷҷуҳ ба соҳаи варзиш ва бо ин роҳ таъмин намудани солимиву саломатии аҳолӣ яке аз ҳадафҳои асосии давлат ва Ҳукумати Ҷумҳурии Тоҷикистон ба ҳисоб меравад.

     Мусобиқаи дав ва марафони велосипедронӣ аз даромадгоҳи шаҳраки Сомониён то майдони марказии ноҳия давом карда, ғолибон дар миёни мардон ва занон муайян гардиданд. Баъди ҷамъбасти мусобиқа нафарони пирӯз аз ҷониби бахши кор бо ҷавонон ва варзиши ноҳия бо Сипоснома ва туҳфаҳои арзишманд қадрдонӣ карда шуданд.

 

Hits: 64

     Pӯз, 23-юми апрели соли 2026 дар толори Мақомоти иҷроияи ҳокимияти давлатии ноҳияи Рӯдакӣ бо мақсади шарҳу тавзеҳи нуктаҳои муҳимии Паёми Президенти Ҷумҳурии Тоҷикистон, Пешвои муаззами миллат муҳтарам Эмомалӣ Раҳмон ба Маҷлиси Олии Ҷумҳурии Тоҷикистон, инчунин, ҷиҳати таҳкими худшиносии миллӣ, боло бурдани ҳисси ватандӯстии шаҳрвандон, пешгирии амалҳои террористиву экстремистӣ, ҷинояту ҷинояткорӣ, нашъамандӣ, оворагардӣ, тақлиди фарҳанги бегона, риояи қонунҳои миллӣ, ҷалби ҷавонон ба хизмати ҳарбӣ Конференсия таҳти унвони "Паём, ҷавонон ва ҳифзи манфиатҳои миллӣ" баргузор гардид.

    Дар Конференсия муовини раиси ноҳия Зарина Исмоилзода, судяи Суди конститутсионӣ Фотеҳ Қувватзода, ёрдамчии судяи Суди конститутсионӣ Зарина Шоҳназарзода ва фаъолону ҷавонони ноҳияи Рӯдакӣ ширкат варзиданд. Зимни маърузаҳо гуфта шуд, ки Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ самтҳои муҳимми рушди иҷтимоию иқтисодӣ, энергетика, сиёсати давлатии ҷавонон, пешгирии амалҳои номатлуб, баланд бардоштани ҳисси худшиносиву худогоҳии наврасону ҷавонон, инчунин, вусъат бахшидани корҳои созандагиву бунёдкориро дар бар гирифта, барои рушди устувори кишвар заминаи мусоид фароҳам меорад.

     Зикр шуд, ки дар робита ба эълон гардидани соли 2026 ҳамчун «Соли вусъат додани корҳои ободониву созандагӣ ва тақвияту таҳкими худшиносиву худогоҳии миллӣ» ҳар як шаҳрванд бояд дар ободонӣ ва пешрафти Ватани азизамон саҳми арзанда гузорад Қайд гардид, ки ҷиҳати татбиқи саривақтӣ ва босифати дастуру супоришҳои Пешвои муаззами миллат муҳтарам Эмомалӣ Раҳмон, ки дар Паём таъкид гардидаанд, бояд ҳамаҷониба тадбирҳо андешида шавад. Дар фарҷоми конференсия аз тарафи ҷавонон ба меҳмонон суолҳо пешниҳод гардида, ҷавобҳои мушаххас шунида шуд ва бо ҳамин кори конференсияи мазкур қаноатбахш арзёбӣ гардид.

  1. МУСОБИҚАИ ГӮШТИНИ МИЛЛӢ БАХШИДА БА ҶАШНИ НАВРӮЗИ БАЙНАЛМИЛЛАЛӢ ДАР ДЕҲАИ ПАХТАКОРИ ҶАМОАТИ ДЕҲОТИ ЧОРГУЛТЕППА
  2. РОҲПАЙМОИИ ИДОНА ВА ТАҶЛИЛИ ТАНТАНАВИИ РӮЗИ ҶАВОНОН
  3. ИСТИҚБОЛИ САЗОВОР АЗ РӮЗИ ҶАҲОНИИ ФУТБОЛ
  4. ДАВИ МИЛЛӢ ВА МАРАФОНИ ВЕЛОСИПЕДРОНӢ