Диданд: 18
Санаи 21- уми феврали соли 2026 иҷрокунандаи вазифаи раиси ноҳияи Рӯдакӣ, муҳтарам Салимзода Нусратулло, бо сафари корӣ ба Ҷамоати деҳоти Эсанбой ташриф оварда, аз рафти корҳои азнавсозии пойгоҳи обкашии «Хоҷабулбулон» шинос гардид.
Зимни боздид иҷрокунандаи вазифаи раиси ноҳия аз фаъолияти пойгоҳҳои обрасонӣ дидан намуда, барои омодасозии пурраи муҳаррикҳо ва дигар таҷҳизоти техникӣ ба масъулин дастуру супоришҳои мушаххас дод.
Таъкид гардид, ки таъмини саривақтии об омили асосии баланд бардоштани ҳосилнокии заминҳо буда, фаъолияти мунтазаму босифати пойгоҳҳои обкашӣ заминаи рушди соҳаи кишоварзиро фароҳам меорад.
Аз ин рӯ, масъулин вазифадор шуданд, ки ҷиҳати таъмири босифат ва истифодаи самараноки имкониятҳо тадбирҳои зарурӣ андешанд. Зикр шуд, ки мақомоти иҷроияи ҳокимияти давлатии ноҳия мутахассисони соҳаро ҳаматарафа дастгирӣ менамояд.
Ҳамзамон, зимни боздид аз заминҳои кишоварзии ҷамоат ба масъалаи кишти шолӣ, полезӣ ва ба гардиши кишоварзӣ ворид намудани заминҳои нав таваҷҷуҳи махсус зоҳир карда шуд. Барои таъмини обёрии босамари онҳо ба масъулини соҳа дастурҳои мушаххас дода шуданд.
Дар идомаи сафар иҷрокунандаи вазифаи раиси ноҳия аз вазъи роҳҳои автомобилгарди ҳудуди ҷамоат низ боздид намуда, ҷиҳати бартарафсозии камбудиҳои ҷойдошта ва ба роҳ мондани корҳои таъмиру тармим ба мутахассисони соҳа супоришҳои дахлдор дод.

Диданд: 13
Дар робита ба матлаби таҳиянамудаи Анна Мифтахова, ки дар сомонаи Asia-Plus ба нашр расидааст, зарур аст баъзе нуктаҳо барои равшан гардидани воқеият баён шаванд.
Пеш аз ҳама бояд таъкид кард, ки Мақомоти иҷроияи ҳокимияти давлатии ноҳияи Рӯдакӣ масъалаи фаъолияти паноҳгоҳи сагони шаҳрванд Римма Аглиулинаро бетафовутона баррасӣ накардаанд. Баръакс, барои ҳалли қонунии масъала ба ӯ дар ҳудуди ҷамоати деҳоти Эсанбой қитъаи замин пешниҳод карда шудааст. Ин иқдом далели омодагии мақомоти маҳаллӣ барои мусоидат ва ба низоми ҳуқуқӣ даровардани фаъолияти паноҳгоҳ мебошад.

Диданд: 24

Мақомоти иҷроияи ҳокимияти давлатии ноҳияи Рӯдакӣ матлаби дар сомонаи «Азия-Плюс» нашршударо вобаста ба фаъолияти паноҳгоҳи ба ном «ихтиёрӣ»-и шаҳрванд Римма Аглиулина мавриди омӯзиши ҳамаҷониба қарор дода, бо мақсади пешгирӣ аз таҳриф ва паҳншавии маълумоти яктарафа, нодуруст ва эҳсосотӣ, зарур мешуморад, ки мавқеи расмӣ ва қатъии худро иброз намояд. Бояд таъкид кард, ки мақомоти давлатӣ ҳеҷ гоҳ ҷонибдори муносибати бераҳмона нисбат ба ҳайвонот набуд ва нест. Аммо Ҷумҳурии Тоҷикистон давлати ҳуқуқбунёд аст ва ҳеҷ як фаъолият, новобаста аз шиор ё нияти эълоншуда, наметавонад берун аз доираи қонун сурат гирад.

Муайян гардид, ки фаъолияти паноҳгоҳи шаҳрванд Римма Аглиулина бе ҳуҷҷатҳои иҷозатдиҳанда, бидуни хулосаи мақомоти байторӣ, санитарӣ ва экологӣ ба роҳ монда шудааст. Ҷамъоварӣ ва нигоҳдории даҳҳо саги дайду дар маҳалли зист, бе инфрасохтори зарурӣ, бе эмгузаронӣ ва назорати мутахассисон, на танҳо амали ғайриқонунӣ, балки таҳдиди воқеӣ ба саломатӣ ва амнияти аҳолӣ мебошад. Қобили зикр аст, ки фаъолияти мазкур нахуст дар мавзеи Лучоби ноҳияи Синои шаҳри Душанбе оғоз гардида буд. Тибқи маълумоти дастрас, бинобар риоя нагардидани талаботи санитарию гигиенӣ ва мавҷуд будани эродҳои мақомоти масъул, фаъолият дар он маҳал идома пайдо накард. Баъдан ин фаъолият ба ҳудуди ноҳияи Рӯдакӣ кӯчонида шуд, бе он ки ҳуҷҷатҳои зарурӣ ва хулосаҳои дахлдор гирифта шаванд. Ин ҳолат аз такроршавии беэътиноӣ ба талаботи қонун шаҳодат медиҳад.

Мақомоти иҷроияи маҳаллии ҳокимияти давлатӣ уҳдадоранд

  1. ВОХӮРИИ РАИСИ НОҲИЯ БО СОҲИБКОРОН
  2. ТАҶЛИЛИ ТАНТАНАВИИ РӮЗИ МОДАРОН
  3. Мақомоти иҷроия