- Диданд: 43
Бо мақсади дарёфти истеъдодҳои нав дар соҳаи санъати мусиқӣ, сарояндагӣ, рассомӣ ва баланд бардоштани маҳорати касбӣ, эҳсоси зебоишиносӣ, тақвияти ҳунари баланди иҷрокунандагӣ, таблиғ ва эҳёи ҳунарҳои мардумӣ, муаррифии фарҳанги волои миллати тоҷик ва эҳтирому арҷгузорӣ ба суннатҳои неки аҷдодӣ соли ҳаштум аст, ки дар кишвар Озмуни ҷумҳуриявии «Тоҷикистон – Ватани азизи ман» баргузор мешавад.
Pӯз, 21-уми апрели соли 2026 дар толори Коллеҷи фарҳанги ҷумҳуриявии ба номи П. Буйдоқови ноҳияи Рӯдакӣ даври ноҳиявии озмун доир шуд.
Дар маросими ифтитоҳ муовини раиси ноҳия - раиси Комиссияи тадорукоти озмун Зарина Исмоилзода, мудири шуъбаи кор бо занон ва оила Моҳира Усмонзода, мудири шуъбаи рушди иҷтимоӣ ва робита бо ҷомеа Мунира Мирзоева, сармуҳаррири рӯзномаи ноҳиявии "Насими айём" Умеда Алимова, директори Коллеҷи фарҳанги ҷумҳуриявии ба номи П. Буйдоқов Салоҳидин Разоққзода ва иштирокдорони озмун ширкат варзиданд.
Муовини раиси ноҳия Зарина Исмоилзода зимни сухани ифтитоҳӣ ба иштирокчиёни озмун муваффақият таманно намуда, зикр кард, ки баргузории чунин озмуну фестивалҳо барои дастгирӣ, ҳавасмандгардонӣ ва дарёфти истеъдодҳои нав роҳандозӣ гардида, гувоҳ аз таваҷҷуҳ ва дастгирии давлат ва Ҳукумати мамлакат ба соҳаи фарҳанг мебошад.
Дар озмун донишҷӯёни Коллеҷи фарҳанги ҷумҳуриявии ба номи П. Буйдоқов, таълимгирандагони мактаби бачагонаи ба номи М. Ашрафӣ, хонандагону омӯзгорони муассисаҳои таълимӣ ва дигар иштирокчиён аз рӯйи номинатсияҳои композиторӣ, сарояндагӣ, навозандагӣ, санъати тасвирӣ ва дизайн ҳунари хешро пешкаши ҳакамон карданд.
Озмун дар сатҳи баланд ва риояи талаботи муайяншуда ҷараён гирифта, аз ҷониби ҳакамон шаффоф ва одилона баҳогузорӣ шуд.
Бояд гуфт, ки дар асоси Низомномаи озмун барои ғолибони ҷойҳои якум, дуюм, сеюм ва ҷойҳои ифтихорӣ дар баробари мукофоти пулӣ, инчунин, имтиёзҳои дигар низ пешбинӣ шудааст. Аз ҷумла, ғолибони озмун ҳуқуқи иштирок дар чорабиниҳои сатҳи ҷумҳуриявӣ ва байналмилалиро пайдо намуда, барои таҳсил дар муассисаҳои таҳсилоти миёна ва олии касбии Вазорати фарҳанг ба таври ройгон ва бе супоридани имтиҳон қабул карда мешаванд.
- Диданд: 40
БАРРАСИИ РАФТИ АМАЛИСОЗИИ БАРНОМАИ
БАРҚАРОРСОЗӢ ВА РЕИНТЕГРАТСИЯ ДАР НОҲИЯИ РӮДАКӢ
20-уми апрели соли 2026 дар толори хурди Мақомоти иҷроияи ҳокимияти давлатии ноҳияи Рӯдакӣ ҷаласаи гурӯҳи машваратӣ ҷиҳати таъмини иҷрои Барномаи барқарорсозӣ ва реинтегратсияи шахсони дорои гузаштаи экстремистӣ ё террористӣ дар Ҷумҳурии Тоҷикистон барои солҳои 2024–2028 баргузор гардид.
Дар ҷаласа муовини раиси ноҳия, роҳбари гурӯҳи машваратӣ Неъматулло Давлатзода, намояндагони мақомоти ҳифзи ҳуқуқ, роҳбарони раёсату шуъбаҳо, бахшҳо ва дигар масъулин иштирок намуданд. Зикр гардид, ки Барномаи мазкур дар асоси Қарори Ҳукумати Ҷумҳурии Тоҷикистон аз 1-уми июни соли 2024 таҳти №9339 қабул гардида, ба барқарорсозӣ, мутобиқсозӣ ва реинтегратсияи шахсони дорои гузаштаи экстремистӣ ё террористӣ равона шудааст. Бо мақсади татбиқи самараноки он дар ноҳияи Рӯдакӣ нақшаи амали солҳои 2024–2026 тасдиқ гардида, гурӯҳи машваратӣ таъсис дода шудааст.
Дар ҷараёни ҷаласа масъалаҳои марбут ба ҳамоҳангсозии фаъолияти сохторҳои дахлдор, пурзӯр намудани корҳои тарғиботӣ, ҷалби ниҳодҳои иҷтимоӣ ва баланд бардоштани самаранокии чорабиниҳо мавриди баррасӣ қарор гирифтанд. Ҳамчунин, ба раисони ҷамоатҳои шаҳраку деҳот, масъулини соҳаҳои маориф, тандурустӣ, кор бо занон ва оила, фарҳанг, ҷавонон ва варзиш, инчунин, бахши дин ва танзими ҷашну маросим дастур дода шуд, ки фаъолияти гурӯҳҳои дохилиидоравиро тақвият дода, корҳои фаҳмондадиҳӣ ва тарғиботиро дар самти амалисозии Барномаи мазкур ба роҳ монанд. Дар фарҷом масъулин ҷиҳати таъмини иҷрои босифат ва саривақтии чорабиниҳои пешбинишуда вазифадор карда шуданд.
- Диданд: 58
ОҒОЗИ ДАВРИ НОҲИЯВИИ ОЗМУНИ ҶУМҲУРИЯВИИ «ШОҲНОМАХОНӢ» ДАР НОҲИЯИ РӮДАКӢ
Рӯз, 20-уми апрел дар ноҳияи Рӯдакӣ даври ноҳиявии Озмуни ҷумҳуриявии «Шоҳномахонӣ» оғоз гардид. Дар маросими тантанавии ифтитоҳи чорабинӣ, ки дар назди муҷассамаи шоҳ Исмоили Сомонӣ баргузор шуд, муовини раиси ноҳия - раиси комиссии озмун Зарина Исмоилзода, раиси Кумитаи иҷроияи ҲХДТ дар ноҳия Насимҷон Ҳомидзода, сардори раёсати маорифи ноҳия Нуралӣ Ализода, мудири шуъбаи кор бо занон ва оила Мохира Усмонзода ва сармуҳаррири рӯзномаи ноҳиявии "Насими айём" Умеда Алимова иштирок намуданд.
Дар оғози чорабинӣ муовини раиси ноҳия Зарина Исмоилзода баромад намуда, зикр кард, ки Озмуни ҷумҳуриявии «Шоҳномахонӣ» бо мақсади арҷгузоре ба хизматҳой шоири классики тоҷик Абулқосим Фирдавсӣ ва омӯзиши осору таърихи пурғановату пурифтихори миллати токик, омӯзиши амиқу ҳамаҷонибаи корномаҳои шойстаи ниегони миллат дар тули таърих, тақвияти ҳисси худогоҳӣ ва хариносии миллӣ, ифтихори ватандоре, таҳкими ҳофисаи аҳолӣ ва ба ин васила, шинохти нақши халқи куҳанбунёду фарҳангсолори тоҷик дар рушди тамаддуни звучит, ки бо далелҳой раднопазир ва бо такя ба сарчашмаҳой илмию таърихӣ дар китоби «Шоҳнома»-и безаволи Абулқосим Фирдавсӣ инъикос ёфтааст, таҳти сарпарастии Президенти Ҷумҳурии Тоҷикистон доир мегардад. Гуфта шуд, ки осори безаволи Абулқосим Фирдавсӣ, бахусус, «Шоҳнома», ҳамчун сарчашмаи бузурги ахлоқу маърифат, дар тарбияи ҷавонон нақши муҳим дошта, тавас чунин озмунҳо муҳаббат ба таъриху фарҳанги миллӣ дар қалби онҳо реша медавонад.
Дар фарҷоми суханроне муовини раиси ноҳия ҳамаи иштирокчиёнро ба муносибати оғози даври ноҳиявии озмун самана муборакбод гуфта, ба онҳо барору муваффақият ва пирӯзӣ таманно кард. Сипас, дар бинои Китобхонаи ноҳия даври ноҳиявии озмун оғоз шуд ва иштирокдорон аз рӯйи гурӯҳҳои синнусоле баромадҳоро шуруъ карданд. Тибқи иттилои раёсати маорифи ноҳия дар даври якуми озмун 2243 нафар, аз ҷумла, 1773 нафар духтарон аз ҳисоби ҳамаи гурӯҳҳои синнусолӣ ширкат варзида, аз ин шумора ба даври дуум (ноҳиявӣ) 747 нафар роҳхат гифтанд.
Саҳифаи 9 аз 87
1USD
1EUR
1RUB