- Диданд: 46
ҲАФТАИ "ПОСИ ХОТИР" ДАР МТМУ №8
Бахшида ба 81-умин солгарди Рӯзи Ғалаба дар Ҷанги ҷаҳонии дуюм дар доираи ҳафтаи "Поси хотир" рӯз, 7-уми майи соли 2026 дар муассисаи таҳсилоти миёнаи умумии №8-и ноҳияи Рӯдакӣ чорабинии маърифатӣ баргузор гардид. Дар чорабинӣ муовини раиси ноҳияи Рӯдакӣ Исмоилзода Зарина, муовини сардори раёсати маорифи ноҳия Баҳриддин Нуруллозода, мудири бахши кор бо ҷавонон ва варзиши ноҳия Орзубек Маҳмудов, сармуҳаррири рӯзномаи "Насими айём" Умеда Алимова, аҳли ҷамоатчигӣ, омӯзгорону хонандагон ва собиқадорони ҷангу меҳнат иштирок намуданд.
Зимни суханронӣ муовини раиси ноҳия Зарина Исмоилзода аз номи Мақомоти иҷроияи ҳокимияти давлатии ноҳияи Рӯдакӣ ҳозиринро ба муносибати 81-умин солгарди Рӯзи Ғалаба табрику таҳният гуфта, таъкид намуд, ки саҳми фарзандони Тоҷикистон дар пирӯзии таърихӣ бар фашизми гитлерӣ хеле арзишманд мебошад. Қайд гардид, ки ҷасорату қаҳрамонии падарону модарони мо бояд барои насли ҷавон намунаи ибрат ва ватандӯстӣ бошад. Дар хотимаи чорабинӣ аз ҷониби хонандагони муассиса барномаи фарҳангӣ пешкаш гардида, суруду саҳначаҳои тарбиявӣ манзури ҳозирин карда шуданд.
- Диданд: 32
Pӯз, 29-уми апрели соли 2026, дар муассисаи таҳсилоти миёнаи умумии №5-и Ҷамоати деҳоти Чоргултеппаи ноҳияи Рӯдакӣ даври ҷамоатии Фестивал - озмуни «Як матову сад ранг» бо иштироки фаъолонаи хонандагон, омӯзгорон ва меҳмонон баргузор гардид. Чорабинии мазкур бо мақсади эҳёи ҳунарҳои миллӣ, рушди завқи зебоипарастӣ, тарғиби фарҳанги либоспӯшии миллӣ, муаррифии маҳорати эҷодии иштирокчиён ва арҷгузорӣ ба арзишҳои фарҳанги миллӣ роҳандозӣ гардида, дар фазои тантанавӣ ва фарҳангӣ сурат гирифт.
Дар фестивал - озмун муовинони раиси ноҳияи Рӯдакӣ Неъматулло Давлатзода ва Зарина Исмоилзода, мудири шуъбаи кор бо занон ва оилаи ноҳия Моҳира Усмонзода, сармуҳаррири рӯзномаи ноҳиявии «Насими айём» Умеда Алимова, сармутахассиси шуъбаи рушди иҷтимоӣ ва робита бо ҷомеаи дастгоҳи раиси ноҳия Парвиз Нуров, намояндагони Ҷамоати деҳоти Чоргултеппа ва дигар масъулон иштирок намуданд. Нахуст, меҳмонон аз намоиши либосҳои миллӣ, маҳсули ҳунари тарроҳон ва дастовардҳои иштирокчиён дидан намуда, ба ҳунару маҳорати онҳо баҳои баланд доданд. Зимни баргузории озмун иштирокчиён маҳсули эҷоди худро тавассути пешниҳоди намудҳои гуногуни истифодаи матоъ, тарроҳӣ ва муаррифии либосҳои миллӣ ба намоиш гузошта, маҳорати баланди худро нишон доданд.
Ҳамзамон, зимни чорабинӣ муовинони раиси ноҳия ва мудири шуъбаи кор бо занон ва оила баромад намуда, вобаста ба аҳаммияти фестивал - озмун, арҷгузорӣ ба либоси миллӣ, ҳифзи арзишҳои фарҳангӣ ва таҳкими манфиатҳои миллӣ ибрози андеша карданд ва нақши чунин чорабиниҳоро дар баланд бардоштани худшиносии миллӣ муҳим арзёбӣ намуданд. Барномаи фарҳангии омоданамудаи хонандагон ба рафти чорабинӣ шукӯҳу шаҳомати хосса бахшида, табъи ҳозиринро болида гардонид. Дар анҷоми чорабинӣ ғолибон ва фаъолони фестивал - озмун бо Сипоснома ва туҳфаҳои хотиравӣ қадрдонӣ гардиданд.
- Диданд: 34
Фестивал-озмуни "Як матову сад ранг" дар Ҷамоати деҳоти Гулистон
Санаи 27- уми апрели соли 2026 дар Муассисаи таҳсилоти миёнаи рақами 35-и Ҷамоати деҳоти Гулистон фестивал-озмуни "Як матову сад ранг" баргузор гардид. Дар озмун муовини раиси ноҳияи Рӯдакӣ Давлатзода Неъматулло, мудири шуъбаи кор бо занон ва оила Усмонзода Моҳира, сармуҳаррири рӯзномаи ноҳиявӣ Алимова Умеда, муовини раиси ҷамоат Воҳидова Сайда, директори муассиса Муллоева Қумрӣ иштирок намуданд.
Ҳунармандон ва тарроҳони ҷамоати номбурда дар фестивал-озмун иштирок намуда, занону духтарон аз рӯи 8 наминатсия либосҳои худро ба аъзои ҳакамон нишон доданд .Ғолибон қадрдонӣ гардида, ба даври ноҳиявӣ пешниҳод гардиданд.
Саҳифаи 1 аз 9
1USD
1EUR
1RUB